आफ्नै सहकर्मीको हत्या गरी फरार रहेका अभियुक्त २३ वर्ष पछि पक्राउ

कपन अनलाइन

काठमाडौं ,कार्तिक २०।

आफ्नै सहकर्मीको हत्या गरी फरार रहेका अभियुक्त २३ वर्ष पछि पक्राउ परेका छन। २०५४ कार्तिक  १६ गते काठमाडौं महानगरपालिका  वडा नं. ८ जयबागेश्वरी स्थित निर्माणेश्वर मन्दिर नजिक  पनौती घर बताउने अं. वर्ष १७/१८ को श्याम खड्काको हत्या गरेको अभियोगमा  ध्रुव भन्ने मानकाजी श्रेष्ठ पक्राउ परेका हुन्।

काठमाण्डौं जिल्ला अदालत बबरमहल, काठमाण्डौंबाट मिति २०७४/०७/२८ गते वारेण्ट समेत जारी भएका  निज प्रतिवादीलाई केन्द्रिय अनुसन्धान व्यूरोबाट खटिएको प्रहरी टोलिले मिति २०७७/०७/१९ गते ललितपुर महानगरपालिका वडा नं. ५ थसीखेलबाट पक्राउ गरी आवश्यक कारवाहीको लागि  काठमाण्डौं जिल्ला अदालतमा पेश  गरेको छ।