टोखाको धापासीदेवी मन्दिरमा एक युवकको हत्या

कपन अनलाइन

काठमाडौं ,कार्तिक १४।

काठमाडौंको टोखा नगरपालिकाको धापासीदेवी मन्दिरमा एक युवकको हत्या भएको छ । प्रहरीका अनुसार छुरा प्रहारबाट २५ वर्षीय आषिश मगरको हत्या भएको हो ।

महानगरीय प्रहरी परिसरका प्रवक्ता एसपी सोमेन्द्रसिंह राठौरले पेन्टिङको काम गर्ने मगरको हत्या आरोपमा दुई जना पक्राउ गरेको जानकारी दिएका छन । दिवस अधिकारी र रवि थापामगरलाई पक्राउ गरिएको तथा घटनामा संलग्न अन्य दुईजना फरार रहेको जानकारी दिएको छ।

सुक्रवार  बिहान मन्दिर परिसरमा झडप भएको र झडपकै क्रममा आषिशलाई छुरा रोपेर हत्या गरिएको हो । हत्याको प्रहरीले थप अनुसन्धान भैरहेको जानकारी दिएको छ।