काठमाडौं महानगरपालिका वडा नं ७ ले कोभिड-१९ कार्टुन पुस्तक प्रकासन गर्यो

कपन अनलाइन

काठमाडौं ,असोज २५।

काठमाडौं महानगरपालिका वडा नं ७ ले कोभिड – १९ कार्टुन पुस्तक प्रकासन गरेको छ। कोरोना प्रकोप नियन्त्रण तथा रोकथामको अभियानमा रहेको वडा नं ७ ले अभिभावकको सामाजिक आर्थिक जनजीवन झल्काउने र कोभिड महामारी संग  जोडिएको राजनीतिक विषयको ब्यङ्गय समेटेर उक्त पुस्तक प्रकासन गरेको हो।

कलाकार राजेश मानन्धरले तयार पारेको सो पुस्तक वडा नं ७ का अध्यक्ष शुद्ध कुमार डंगोलले लोकार्पण गरेका हुन। प्रकोपको विषम परिस्थितिमा विद्यार्थीहरु घरमा नै रहेर अध्ययन गर्नुपर्ने बाध्यतामा रहेको अवस्थामा उक्त पुस्तकले सहयोगी सामाग्रीको रुपमा निकै ठुलो भूमिका निर्वाह गर्ने कार्यक्रमका वक्ताहरुले धारणा राखेका थिए।