कवि तथा गीतकार विसु कुमार के.सीकाे “राजीनामा”

कपन अनलाइन

काठमाडौं ,असोज २० ।

कवि तथा गीतकार विसु कुमार के.सी. काे “राजीनामा” कविता सङ्ग्रह प्रकाशित भएकाे छ । आफ्नी जन्मदिन  असाेज १९ गते अनाैपचारिक रूपमा सार्वजनिक कविता संग्रह सार्वजनिक गरेका  के.सी.का ५० वटा कविता सो संग्रहमा समेटिएका छन ।

पञ्चायतकालकाे उत्तरार्धतिर(०४० देखि ०४६ सम्म) लेखिएका बिभिन्न भावका कविताहरू संग्रहमा समेटिएका छन् । ३० वर्ष अघि लेखिएका कविताले साेही बेलाका  सामाजिक, राजनैतिक, आर्थिक आयामहरूलाइ सम्बाेधन गरेकाे छ ।

संग्रहमा संग्रहित पहिलाे “दुर्घटना” शीर्षकदेखि अन्तिम “हाे दाइ समय मरिसक्याे” शीर्षकसम्मका कविताहरूमा कविका विभिन्न  अनुभव र भावना  समेटिएकाे छ। कवि केसीकाे प्रथम कृतिका रूपमा आएकाे “राजीनामा” कविता संग्रहलाइ युनिक एजुकेसन पब्लिसर्स प्रालिले बजारमा ल्याएकाे हाे ।