बुढानीलकण्ठ नगरपालिकामा कोरोना संक्रमितको शंख्या ३ सय ६३ पुग्यो
कपन अनलाइन
काठमाडौं ,भाद्र ३०।
बुढानीलकण्ठ नगरपालिकामा थप १९ जनामा कोरोना संक्रमण पुष्टि भएको छ। भाद्र २९ र ३० गते १९ जना थप संक्रमित थपिए सँगै कुल संक्रमित संख्या ३६३ पुगेको छ।
भाद्र २९ र ३० गते थपिएका संक्रमितहरु वडा नं ४, ७, ८, ९, १०, ११ र १२ का रहेका छन्। नगरपालिकामा थपिएका संक्रमितहरुमा वडा नं ४ पासिकोटकी २६ वर्षिया एक महिला ,वडा नं ७ हेपाली हाइटका ३७ वर्षिया एक पुरुष र वडा नं ८ मण्डिकाटारका ४१ वर्षिया एक पुरुष रहेका छन।
त्यस्तै वडा नं ९ शान्ति कोलोनीकी ३२ वर्षिया एक महिला, मण्डिकाटारकी २२ वर्षिया एक महिला, सुकेधाराका ५८ वर्षिया एक पुरुष र वडा नं १० मिलनचोकका २८ र ४१ वर्षिया दुई पुरुष, बालुवाखानीकी ४१ वर्षिया एक महिला, पञ्चकन्या चोकबाट ५६ वर्षिया एक पुरुष, निलोपुलका ३८ र ३३ वर्षिया दुई पुरुषमा संक्रमण देखिएको छ भने वडा नं ११ कपनका ३७ वर्षिया एक पुरुष पनि संक्रमित भएका छन।
वडा नं १२ का ट ३४ वर्षिया एक पुरुष, फैका चोकका २२ वर्षिया एक महिला र ३६ वर्षिया एक पुरुष, शाकुरा होटल नजिकका ५१ वर्षिया र ३२ वर्षिया दुई महिला, २८ वर्षिया पुरुषमा पनि संक्रमण देखिएको नगरपालिकाको स्वास्थ्य शाखाले जानकारी दिएको छ।
त्यस्तै नगरपालिकामा भेटिएका संक्रमितहरुमध्ये पछिल्लो ४८ घण्टामा १७ जनाले कोरोनालाई जितेका छन।
