अरुणोदय माध्यमिक बिध्यालय आरुबारीमा आकस्मिक रक्तदान कार्यक्रम सम्पन्न
कपन अनलाइन
काठमाडौं भाद्र २१ । गोकर्णेश्वर नगरपालिका वडा नं ९ स्थित अरुणोदय माध्यमिक बिध्यालय परिसरमा आकस्मिक रक्तदान कार्यक्रम सम्पन्न भएको छ । मासिक सय अभियान र आरुबारी हातेमालो युवा समुहले रक्त संचार केन्द्रको प्राबिधिक सहयोगमा भाद्र २० गते शनिबार आकस्मिक रक्तदान कार्यक्रम आयोजना गरेको हो ।
बिहान ८ बजे देखि११ बजे सम्म आवश्यक सुरक्षा मापदण्ड अपनाएर सुरक्षित तवरले संचालन भएको उक्त रक्तदान कार्यक्रममा ४७ जनाले रक्तदान गरेको मासिक सय अभियानका संजय पोखरेलले कपन अनलाइनलाइ जानकारी गराए ।
कोरोना महामारीको कारण सरकारले गरेको निषेधाज्ञाको कारण भएको रगतको अभाबलाइ पुरा गर्न केहि भए पनि सहयोग हुने बिश्वासका साथ रक्तदान कार्यक्रम आयोजना गरिएको आयोजकले बताएको छ । कार्यक्रममा गोकर्णेश्वर नगरपालिका प्रमुख सन्तोष चालिसे, गोकर्णेश्वर नगरपालिका वडा नं ९ का वडा अध्यक्ष राजिब थापा, गोकर्णेश्वर नगरपालिकाका प्रमुख सल्लाहकार दिपक रिसाल लगायत स्थानीयको उपस्थिति रहेको थियो ।
