लायन्स क्लब अफ काठमाडौं डाँफे र सिन्धुपाल्चोक द्वारा खाद्यान्न सहयोग
कपन अनलाइन
काठमाडौं,भाद्र १६। लायन्स क्लब इन्टरनेसनल डिस्ट्रिक ३२५ ए१ अन्तरगत रहेको लायन्स क्लब अफ काठमाण्डौं डाँफे तथा लायन्स क्लब अफ सिन्धुपाल्चोकद्वारा संयुक्त रुपमा लत्ता कपडा एवं खाद्य सामाग्रि वितरण गरेको छ ।
सोमबार शंखरापुर नगरपालिका वडा नं. १ नाङलेभारेमा बाबुआमाले आत्महत्या गरे पश्चात अभिभावक विहिन भई विचल्लिमा परेका ४ बर्ष देखि ९ बर्ष उमेरका चार जना बालिकाहरुको लागि तत्कालको राहत स्वरुप केहि लत्ता कपडा र करिव २ महिनाको लागि पुग्ने खाद्य सामाग्रि वितरण गरिएको लायन बच्चुराम शर्मा कुइकेलले कपन अनलाइन लाइ जानकारी गराए ।
सो कार्यक्रममाशंखरापुर नगरपालिका वडा नं. १ का वडा अध्यक्ष श्याम मणि ढुङ्गाना र वडा नं. ३ का वडा अध्यक्ष शन्त बहादुर वाईवा सहित लायन्स लिडर तथा सदस्यहरुको उपस्थितिमा सम्पन्न कार्यक्रममा जी एस टि डिस्ट्रिक कोर्डीनेटर लायन दिपेन्द्र सिंखडाले व्यक्तिगत रुपमा नगद रु. ३,०००।– सहयोग गरेका थिए ।
