गायक सुगम पोखरेल र प्रारम्भ भण्डारीको आवाजमा बनेको नयाँ गीत ‘धन्यवाद’ सार्वजनिक

कपन अनलाइन

काठमाडौं, भाद्र १२। लोकप्रिय गायक सुगम पोखरेल र प्रारम्भ भण्डारीको आवाजमा बनेको नयाँ गीत सार्वजनिक भएको छ ।प्रारम्भको आवाजमा सार्वजनिक भएको यो पहिलो गीत हो । ‘धन्यवाद’ बोलको गीतमा सुगम पोखरेलको शब्द तथा सङ्गीत रहेको छ । बिहिबार प्रारम्भ भण्डारीको युट्युब च्यानलबाट सार्वजनिक गरिएको गीतको भिडियोमा सुगम पोखरेल र प्रारम्भ भण्डारी पनि फिचर्ड छन् ।

गीतले संसारभर संकट निम्त्याएको कोरोना भाइरस जस्तो विपदमा हरेस नखाई लड्नु पर्ने सन्देश दिएको छ । गीतमार्फत भय र त्रासको यो समयमा पनि रातदिन नभनि खटिइरहेका स्वास्थ्यकर्मी , सुरक्षाकर्मीहरु सहित   अग्रपंक्तिमा काम गर्नेहरुलाइ धन्यवाद दिइएको छ।गीतको भिडियो निर्देशन एलिन श्रेष्ठले गरेका हुन् भने  उत्तम हुमागाईं र अशु बस्नेतले छायांकन गरेको सो  भिडियोमा सम्पादन लोकेश बज्राचार्यको रहेको छ ।