जन्म दिनको अवसरमा लायन दिपेन्द्र सिंखडा द्वारा मानब सेवाआश्रम ललितपुरलाइ खाद्यान्न सहयोग
कपन अनलाइन
काठमाडौं, भाद्र ६ ।लायन्स क्लब इन्टरनेसनल डिस्ट्रिक ३२५ ए१का जी एस टि डिस्ट्रिक कोर्डीनेटर लायन दिपेन्द्र सिंखडाले आफ्नो जन्मदिनको अवसरमा मानव सेवा आश्रम ललितपुरमा खाद्यान्न लगायतको सामग्री सहयोग गरेका छन । कोभिड-१९ को समयमा मानव सेवा आश्रममा आश्रय लिइरहेका ब्यक्तिहरुलाई अत्यावश्यक पर्ने सामाग्रीहरु सहयोग गरेका हुन ।
सार्वजनिक स्थल तथा सडकका पेटी, बाटो- चौबाटोमा मानसिक सन्तुलन गुमाएर, घर- परिवार विहिन भएर, अशक्त, परित्यक्त र अलपत्र भएर अत्यन्त कष्टकर जीवन विताउन बाध्य अभिभावक विहिन, वेसाहारा सहयोगापेक्षी मानवहरूको उद्धार, मानवोचित संरक्षण र पारिवारिक पुनर्मिल गर्ने कार्यमा समर्पित मानवसेवा आश्रमलाइ जन्म दिनमा सहयोग गर्न पाउदा खुशी लागेको बताउँदै आफुलाई आत्म सन्तुष्टि मिलेको लायन दिपेन्द्र सिंखडाले बताए ।
उक्त कार्यक्रममा लायन्स क्लब इन्टरनेसनल डिस्ट्रिक ३२५ ए१का डिस्ट्रिक गभर्नर लायन टंक बहादुर श्रेष्ठ, लायन्स क्लब इन्टरनेसनल डिस्ट्रिक ३२५ ए १का पुर्व गभर्नर एबम बर्तमान जी एस टि मल्टिपल डिस्ट्रिक कोर्डिनेटर लायन अनन्त प्रसाद भेटुवाल, डिस्ट्रिक सेकेन्ड भाइस गभर्नर लायन कर्मा गुरुङ लगायत लायन्स लिडरहरुको उपस्थिति रहेको थियो ।
मानव सेवा आश्रमलाइ
१)स्यानिटाईजर ३ ली.- ६ वटा
२) पिपिई- ५ थान
३) माक्स- ३०० थान
४) मिठाई
५) चिउरा-१० बोरा
६) दाल-१० के. जी
७) चना – १ बोरा लगायतको सामग्री हस्तान्तरण गरिएको थियो ।
