काठमाडौं महानगरपालिकामा कोरोना संक्रमितको संख्या १ हजार नाघ्यो

कपन अनलाइन

काठमाडौं ,भाद्र ३।

काठमाडौं महानगरमा भदौ २ गते १२७ जना कोभिड १९ का संक्रमित थपिएका छन् । भदौ १ गते संक्रमित हुनेको संख्या ११३ जना थियो । इपिडिमियोलोजी तथा रोग नियन्त्रण महाशाखाले काठमाडौं महानगरको जनस्वास्थ्य महाशाखामा उपलब्ध गराएको विवरणअनुसार भदौ २ गते थपिएका १२७ जनामध्ये ८७ जनाको वडागत पहिचान छ भने बाँकी ४० जनाका बिभिन्न कार्यालय र संस्थागत आवद्ध रहेका छन  ।

साउन ३२ गते महानगरमा कुल संक्रमितको संख्या ९५५ थियो । यो संख्यामा भदौ १ गते ११३ जना र २ गते १२७ जना थपिएर भदौ २ गते मध्यान्नसम्ममा संक्रमितको संख्या १ हजार २१५ पुगेको छ । भदौ ३ गते काठमाडौं जिल्लामा १३४ जना संक्रमित थपिनुभएको छ । यीमध्ये महानगरकै कति भन्ने विवरण आउन बाँकी छ । भदौ ३ गते स्वास्थ्य तथा जनसंख्या मन्त्रालयले आयोजना गरेको पत्रकार सम्मेलनमा काठमाडौंका १३४ ललितपुरका १७ जना र भक्तपुरमा ८ जना गरी उपत्यकामा १५९ संक्रमित थपिएको जानकारी दिइएको छ।

मन्त्रालयका अनुसार आजसम्ममा नेपालमा सक्रिय संक्रमितको संख्या ११ हजार ११८ जना पुगेको छ । बिश्वभर संक्रमितको सख्यां २ करोड २३ लाख १० हजार ३३१ जना पुगेको छ । यीमध्ये ७ लाख ८४ ३९७ जना मृत्य भएको छ भने १ करोड ५० लाख ५४ हजार २६९ जना निको भएर घर फर्किनुभएको छ ।

भदौ १ गते मध्यान्नदेखि भदौ २ गते मध्यान्नसम्ममा काठमाडौं महानगरका वडा ५, ६, ८, १७, १८, १९, २०, २१, २३, २४ र २५ गरी ११ वटा वडामा संक्रमितको संख्या थपिएको छैन  ।

काठमाडौं महानगरमा वडागत संक्रमण अवस्था भदौ २ गते मध्यान्नसम्मको विवरण

समाचार साभार :काठमाडौं अनलाइन