उपत्यका प्रवेश गर्ने शंखरापुर नगरपालिकाका नाका निरीक्षणमा नगरप्रमुख सुवर्ण श्रेष्ठ

कपन अनलाइन

काठमाडौँ,श्रावण ३०।  उपत्यकामा कोभिड–१९ को जोखिम बढ्दै गएपछि उपत्यका प्रवेश गर्ने  नाकामा कडाइ गरिएको छ  । सिन्धुपाल्चोक र काभ्रे जिल्ला जोडिएका शंखरापुर नगरपालिकाका नाकाहरूमा समेत कडाइ गरिएको  शंखरापुर नगरपालिका प्रमुख सुवर्ण श्रेष्ठले जानकारी गराए । काठमाडौं उपत्यका सँगै शंखरापुर नगरपालिमा समेत बढिरहेको  कोरोना  भाइरस संक्रमितको  संख्यालाइ मध्य नजर गर्दै काठमाडौंबाट शंखरापुर भएर सिन्धपाल्चोक  र काभ्रे जिल्ला जाने अति आवश्यक सवारी साधन बाहेक अरूलाइ पुर्ण रूपमा निषेध गरिएको जानकारी गराए ।

 बिहिबार  सिन्धुपाल्चोक जिल्ला मेलम्ची नगरपालिकाको भोटेचौर  र शंखरापुर नगरपालिकाको सिमानामा थप चेक पोस्ट स्थापना  गरिए संगै सो चेकपोष्टको शंखरापुर नगरपालिकाका  नगर प्रमुख  शुवर्ण श्रेष्ठ र महानगरीय प्रहरी प्रभाग साँखुका प्रहरी निरिक्षक गोबिन्द  पन्थी सहितको टोलि द्वारा  निरिक्षण  समेत गरेका छन ।

साहयक प्रहरी नायब निरिक्षक ( असइ)को  नेतृत्वमा उक्त चेक पोष्टमा  ८ जना प्रहरीको  टोलि  खटाएको  महानगरीय प्रहरी प्रभाग साँखुका प्रहरी निरिक्षक गोबिन्द पन्थीले  जानकारी  गराएका छन्  । अत्यावश्यक सेवा अन्तरगतका सवारी साधन र खाद्यान्न ढुवानीका साधन बाहेक अन्य सवारीहरू पुर्ण रूपमा  रोकिने जानकारी दिदै । एक जिल्लाबाट अर्को  जिल्लामा प्रवेश नगराउने सरकारको  निर्देशन बमोजिम  अन्तर जिल्ला जोडिएका नाकाहरूमा कडाइ गरेको  उनले बताए ।

फोटो : प्रेम प्रकाश प्रजापति