जगडोलको कृष्ण रथारोहण जात्रा मन्दिर परिसरमा मात्र घुमाएर मनाईने

कपन अनलाइन

काठमाडौँ, श्रावण २७  आज कृष्ण जन्माष्टमी, हिन्दु धर्मावलम्बीले भगवान श्रीकृष्णको पूजा आराधना गर्दै कृष्ण जन्माष्टमी मनाइरहेका छन् । भगवान विष्णुको आठौँ अवतारका रुपमा द्वापर युगमा श्रीकृष्णको जन्म भएको धार्मिक विश्वास गरिन्छ ।ज्ञानयोग, भक्तियोग र कर्मयोगका प्रणेता भगवान श्रीकृष्णको जन्म हिन्दु धर्मशास्त्र अनुसार द्वापरयुगमा भाद्र कृष्ण अष्टमीको मध्यरातमा भएको थियो । मध्यरातमा जन्मिएका कारण भाद्र कृष्ण अष्टमीको दिनलाई कृष्ण जन्माष्टमी र रातलाई मोहरात्री भनिन्छ । बासुदेव र देवकीका आठौ सन्तानको रुपमा श्रीकृष्णको जन्म मथुरामा भएको थियो । अन्याय, अत्याचार र राक्षसी प्रवृत्तिबाट संसारलाई मुक्त गराउन द्वापरयुगमा भगवान विष्णुले कृष्णको रुपमा जन्म लिएको धर्मशास्त्रमा उल्लेख छ ।

श्रद्धालुहरुले आज व्रत बसेर भगवान् श्रीकृष्णको पूजा आराधना गरी जन्माष्टमी पर्व श्रद्धा भक्तिपूर्वक मनाउँछन् । श्रीकृष्णको झाँकीसहित शोभायात्रा निकाल्ने चलन पनि छ । तर विश्व महामारीको रुपमा फैलिएको कोरोना भाइरसका कृष्ण जन्माष्टमीको अवसरमा भव्य मेला लाग्ने ललितपुरको कृष्ण मन्दिर मंगलबार भक्तजनहरुका लागि बन्द हुने भएको छ । कोभिड–१९ महामारी व्यापक फैलिएका कारणले स्थानीय जनप्रतिनिधि, पुजारी, मंगल टोल सुधार संघ, प्रमुख जिल्ला अधिकारीलगायत सरोकारवाला व्यक्तिहरु बसेको बैठकले यस्तो निर्णय गरेको हो ।

 त्यस्तै  बुढानिलकण्ठ नगरपालिका वडा नं ११ , १३ र गोकर्णेश्वर नगरपालिका वडा नं ३ को सिमाना जगडोलमा रहेको कृष्ण मन्दिरमा  कृष्ण जन्मअष्टमि र त्यसको भोलि पल्ट हुने रथ जात्रालाइ  सिमित रुपमा मात्र मनाइने  चामुण्डा सांस्कृतिक मञ्चले आह्वान गरेको समाज भेलाले निर्णय गरेको छ । साथै उक्त भेलाले निम्न निर्णय गरेको छ ।

१. कोरोना महामारीलाई मध्यनजर गरि नियमित हुँदै आएको रथारोहण जात्रा मन्दिर परिसरमा मात्र घुमाएर मनाईनेछ ।
२. जन्माष्टमीको दिन सामाजिक दुरि कायम गरि पुजा गर्ने ब्यबस्था मिलाइनेछ सो को लागि स्वयमसेवक खटाइनेछ ।
३. पुजामा आउने सबै भक्तजनलाई मास्क अनिवार्य गरिनेछ साथै सेनिटाइजरको ब्यबस्था गरिनेछ ।
४. भजन जमघट लगायतका सामुहिक गतिविधि गरिने छैन ।
५. जन्माष्टमीको दिन साझमा बत्ती जगाउने आउने भक्तजनको लागि संक्रमण सुरक्षाको तरिका अपनाई तयार पारिएको प्रसाद बितरण गरिने छ ।
६. मन्दिरको सरसफाई तथा साजसज्जाको सामाग्रीहरु जुटाई मन्दिर क्षेत्र सिगारिने छ ।
७. यस वर्ष बाजागाजा र रथारोहण कार्यक्रम नहुने भएता पनि नियमित पुजा ब्यबस्थापन र साजसज्जाको लागि करिब रु २५०००/- लाग्ने अनुमान गरिएको छ । सो रकम संकलनको लागि स्थानिय ब्यक्ती तथा संस्थाहरु सँग आव्हान गरिने भएको छ ।
८. अहिलेको जटिल परिस्थितिलाई मध्यनजर गरि यस वर्ष रथारोहण स्थगित गरिएकोमा क्षमा याचना गर्दै सबै श्राद्दालु भक्तजनलाई सतर्कता पुर्बक मन्दिरमा नै उपस्थित भएर पुजा आरधना गर्न अनुरोध गर्ने ।