ओखलढुंगा घोराखोरीका चट्यांग पिडितलाई चम्पादेवी गाउँपालिकाको सहयोग

कपन अनलाइन

ओखलढुंगा ,साउन २१।

ओखलढुंगा जिल्लाको चम्पादेवी गाउँपालिका वडा नं  ६ घोराखोरीका चट्यांग पिडितलाई चम्पादेवी गाउँपालिकाले आर्थिक सहयोग गरेको छ।गएराति आएको चट्यांगले स्थानीय दिपक खड्काको घरमा रहेको गाई र टिभी लगायतका विधुतीय सामग्रीमा असर पारेको थियो।

पिडित कार्कीलाई सहयोगका लागि पुगेका चम्पादेवी गाउँपालिकाका अध्यक्ष नवराज केसीले नगद ५ हजार हस्तान्तरण गर्दै आवस्यक परेमा अन्य सहयोग गर्ने बताएका थिए।

सहयोग हस्तान्तरण गर्दै केसीले वर्षात र प्रतिकुल मौसम रहेको समया सजग र सचेत रहन गाउँपालिकावासीलाई अनुरोध गर्दै  आपतकालीन अवस्था आएमा गाउँपालिकाले सार्वजनिक गरेको नम्बरमा सम्पर्क गर्न आग्रह गरेका छन।

सो सहयोग हस्तान्तरणका  वडा नं ८ का अध्यक्ष तथा प्रवक्ता अजय लुइँटेल सहित स्थानीय समाजसेवीहरुको उपस्थिति रहेको थियो ।