एनओसीको कार्यकारी निर्देशकमा चतुरानन्द राज बैद्य

कपन अनलाइन

काठमाडौं ,साउन ७।

नेपाल ओलम्पिक कमिटि (एनओसी) को कार्यकारी निर्देशकमा चतुरानन्द राज बैद्य नियुक्त भएका छन् ।

एनओसीले बुधबार उपाध्यक्ष समेत रहेका बैद्यलाई कार्यकारी निर्देशक नियुक्त गरेको हो ।बैद्य एनओसीका कार्यकारी निर्देशक हुने पहिलो व्यक्ति हुन् । यस अघि एनओसीले कार्यकारी निर्देशक राख्ने गरेको थिएन् ।

एनओसीका अध्यक्ष जीवन राम श्रेष्ठ र कोषाध्यक्ष रतन टन्डनले बैद्यलाई नियुक्ति पत्र प्रदान गरेका थिए ।बैद्यलाई नियुक्ति पत्र प्रदान गर्दै अध्यक्षले श्रेष्ठले उनलाई बधाई तथा शुभकामना दिएका थिए ।

अल नेपाल टेबल टेनिस एसोसिएसनका अध्यक्ष समेत रहेका बैद्यले सन् १९८५ मा एमबीए गरेका थिए ।उनी टेबल टेनिसका पूर्व नेपाल च्याम्पियन समेत हुन् । उनी सन् २०४६ सालबाट टेबल टेनिस संघमा आबद्द रहदै आएका छन् ।