मेमोरी किंग विजय शाहीलाई सान कलेजको सम्मान

कपन अनलाइन

काठमाडौं ,साउन ६।

अभुतपूर्व स्मरण शक्तिका कारण Guinness Book of the World Record मा  नाम दर्ता गराउन सफल हुनु भएका सान इन्टरनेशनल कलेजका भूतपुर्व विधार्थी  विजय शाहीलाई कलेजले सम्मान गरिएको छ  ।

भुतपुर्व मन्त्रि श्री हरिबोल गजुरेलको प्रमुख आतिथ्यता  र  कलेजका अध्यक्ष डा. सुभाष घिमिरेले  विजयको वितिक्ष्ण प्रतिभाको प्रशंसा गर्दै सम्मान गरेका थिए  ।

उक्त कार्यक्रमलाई सम्बोधन गर्दै हरिबोल गजुरेलले विजयको Memory Power  को वैज्ञानीक आधारको विषयलाई पुष्टि गर्नुपर्ने र राष्ट्रले यस्तो प्रतिभालाई संरक्षण गर्नुपर्ने बताएका थिए ।

त्यस्तै   सान कलेज तथा ओम समाज डेण्टल अस्पतालका अध्यक्ष डा. सुभाष घिमिरेले विजयको स्मरणशक्तिको प्रोसेसिङ पावर आधुनीक उपकरणहरु जस्तैcomputing process  को बराबर भएको बताएका थिए ।

सो  कार्यक्रममा कलेजका डाइरेक्टर, सहायक क्याम्पस प्रमुख तथा ओम समाज हस्पिटलका प्रतिनिधि सहित अन्य बिशिष्ठ व्यक्तित्वहरुको पनि उपस्थिति रहेको थियो । सान कलेजका विधार्थीको क्षमताको संसारभर कदर भएकोमा कलेज परिवार गर्भवान्वित भएकोले विजय शाहीलाई कलेज एम्बास्डर बनाउने निर्णय समेत गरेको छ ।