टोखा नगरपालिका वडा नं १ टाँसीडाँडामा पुरिएर दुई बालबालिकाको मृत्यु

कपन अनलाइन

काठमाडौं ,साउन ६।

काठमाडौंको टोखा नगरपालिकामा पुरिएका दुई बालबालिकाको मृत्यु भएको छ।मंगलबार बिहान टहरामा बसेर खाना खाँदै गरेका तीन वर्षीय जुम्ल्याहा बालबालिकाको मृत्यु भएको हो।

नगरपालिका वडा नम्बर १ टाँसीडाँडामा पहिरोले पुरिएका तीन वर्षीया सन्ध्या रानामगर र सचिन रानामगरको मृत्यु भएको हो। उनीहरुको शव पोस्टमार्टमका लागि महाराजगञ्जस्थित टिचिङ अस्पतालमा पठाइएको छ  ।

टहरामा बसेर खाना खाँदै गर्दा बलौटे माटोको ढिस्कोले पुरिएर बालबालिकाको मृत्यु भएको प्रहरीको प्रारम्भिक अनुसन्धानबाट देखिएको महाराजगंज प्रहरीले जानकारी दिएको छ ।