बुढानिलकण्ठ नगरपालिका वडा नं ६ मा जेष्ठ नागरिकहरुलाई सम्मान

कपन अनलाइन

काठमाडौं ,साउन २ ।

बुढानिलकण्ठ नगरपालिका वडा नं ६ ले जेष्ठ नागरिकहरुको सम्मान गर्दै विभिन्न सामाग्रीहरु वितरण गरेको छ । जेष्ठ नागरिकहरुको हिडडुल तथा आवतजावत गर्ने समस्यालाई ध्यानमा राख्दै  वडा नं ६ का विभिन्न टोलहरुमा पुगेर  थर्मस १ थान मास्क १ थान हर्लिक्स १ थान र एउटा कपडाको झोला बितरण गरिएको छ।

 सनिवार वडा नं ६ को धरमपुरमा बागमती प्रदेस सभा सदस्य दिपक निरौला तथा अन्य टोलमा बुढानिलकण्ठ नगरपालिका प्रमुख उद्दव खरेल र साविक  खडका भद्रकाली गाविसक पूर्व अध्यक्ष श्याम ब खड्काको आतिथ्यतामा सहयोग सामाग्रीहरु वितरण गरिएको थियो।

सो क्रममा सनिवार १७० जना जेष्ठ नागरिकहरुलाई उनीहरुको टोलमै पुगेर सामाग्री वितरण गरिएको जानकारी दिदै वडा नं ६ का  अध्यक्ष नबिन केसीले अन्य स्थानमा पनि सामाग्री वितरण जारि राख्ने बताएका छन।