बुढानिलकण्ठमा गिरिजा प्रसाद कोइराला राष्ट्रिय शान्ती पार्क शिलान्यास
कपन अनलाइन
काठमाडौं ,असार १९।
बुढानिलकण्ठ नगरपालिका वडा नं २ मा गिरिजा प्रसाद कोइराला राष्ट्रिय शान्ती पार्कको शिलान्यास गरिएको छ। नेपालको राजनीतिक इतिहासको लामो कालखण्डमा महत्वपूर्ण योगदान दिएका स्वर्गीय गिरिजा प्रसाद कोइरालाको जन्मजयन्तीको दिन काठमाडौं क्षेत्र नं ४ का प्रतिनिधि सभा सदस्य गगन कुमार थापाले सो पार्कको शिलान्यास गरेका छन।
बुढानिलकण्ठ नगरपालिका वडा नं २ को पञ्चकन्या सामुदायिक बन बदेलीमा निर्माण हुने उक्त पार्कको शिलान्यास कार्यक्रममा प्रतिनिधि सभा सदस्य दिब्यमणी राजभण्डारी, बुढानीलकण्ठ नगरपालिकाका प्रमुख उद्धब प्रसाद खरेल, पार्क ब्यबस्थान समितिका अध्यक्ष श्याम कृष्ण श्रेष्ठ लगायतको उपस्थिति रहेको थियो।
सो पार्क शिलन्यासमा बोल्दै प्रतिनिधि सभा सदस्य गगन थापाले नेपालको शान्ति प्रक्रिया र गणतन्त्र स्थापनामा गिरीजी प्रसाद कोइरालाको योगदानका वारेमा चर्चा गरेका थिए भने नगर प्रमुख उद्दव खरेलले पार्क निर्माणमा पार्क ब्यबस्थान समितिलाई नगरपालिको तहबाट हुने सक्दो सहयोग गर्ने प्रतिवद्धता व्यक्त गरेका थिए।
