धुलिखेल नगरपालिका-२ मा टिपरले मोटरसाइकलाई ठक्कर दिँदा दाजुभाइको मृत्यु

कपन अनलाइन

काठमाडौं ,असार १७

काभ्रेपलान्चोक जिल्लामा टिपरको ठक्करबाट दाजुभाइको मृत्यु भएको छ।बुधबार दिउँसो पौने ३ बजे धुलिखेल नगरपालिका-२ मा टिपरले मोटरसाइकलाई ठक्कर दिँदा दाजुभाइको मृत्यु भएको हो।

मृत्यु हुनेमा मोटरसाकइल चालक ५३ वर्षीय दाजु वेदप्रसाद कोइराला र ५१ वर्षीय गोवर्धनप्रसाद कोइराला छन्।वेदप्रसाद कोइराला सव डिभिजन वन कार्यलय कटुञ्‍जेका वन रक्षक हुन्।

प्रहरीका अनुसार बा ४ ख ६३८६ नम्बरको टिपर र बा ३६ प ५०५२ नम्बरको टिपर एकै दिशाबाट जाँदै थिए।

‘टिपर र मोटरसाइकल एउटै दिशामा जाँदै थिए। ओह्रालोमा टिपरले ठक्कर दिएपछि दुई जना गम्भीर घाइते भएका थिए,’ बनेपाका इन्स्पेक्टर विशाल तामाङले बताए ।

घाइते दाजुभाइलाई उपचारका लागि शिर मेमोरियल अपस्पतालमा लगिएको थियो।अस्पताल पुर्‍याएपछि उनीहरूलाई मृत घोषणा गरेको प्रमुख जिल्ला अधिकारी श्रवणकुमार तिमिल्सिनाले जानकारी दिए।फोटो सौजन्य :बिबेक लामा सामाजिक संजाल