कागेश्वरी मनोहरा वडा नं ९ मा एक पुरुष र महिला झुण्डिएको अवस्थामा मृत भेटिए

कपन अनलाइन

काठमाडौं ,असार १७।

कागेश्वरी मनोहरामा दुई जना व्यक्ति झुन्डिएको अवस्थामा फेला परेका छन्। कागेश्वरी मनोहरा नगरपालिका वडा नम्बर ९ स्थित शिवनगर मार्गमा डेरा गरी बस्ने एक महिला र एक पुरुष झुन्डिएको अवस्थामा फेला परेका हुन्।

झुन्डिएको अवस्थामा फेला पर्नेहरुमा अन्दाजी करिव २३ वर्षकी अस्मिता थापा र ३४ वर्षका आसम मुसलमान रहेका छन्। घरबेटी नभएको उक्त घरमा उनीहरु विगत ४ महिना देखि बस्दै आएका थिए। झुन्डिएको अवस्थामा फेला परेकी थापाको पहिलाका पतिसँग सम्बन्ध विच्छेद भइसकेको बताइएको छ। यधपी आसम भने सम्बन्ध विच्छेदको तयारीमा थिए।

घटनास्थलमा पुगेर प्रहरीले मुचुल्का उठाई कानुनी प्रक्रिया पूरा गरेर शव उठाउने  तथा घटनाको अनुसन्धान गरिरहेको  जानकारी दिएको छ  ।