लायन्स क्लब अफ काठमाडौं खास्ती र खास्ती नेवा पुचले बृहत रक्तदान कार्यक्रम आयोजना गर्ने

कपन  अनलाइन

काठमाडौँ,असार१४ ।काठमाण्डौ महानगरपालिका वडा नं ६  बौद्धमा  बृहत रक्तदान कार्यक्रम आयोजना हुने भएको छ। लायन्स नयाँ वर्ष सन फर्स्ट जुलाई२०२१/२२ को अवसर पारेर लायन्स क्लब इन्टरनेसनल डिस्ट्रिक ३२५ ए१ अन्तर्गतको लायन्स क्लब अफ काठमाडौं खास्ती र खास्ती नेवा पुचको संयुक्त आयोजना असार १७ गते बृहत रक्तदान कार्यक्रम आयोजना हुने भएको हो।

डिस्ट्रिकको आव्हान अनुसार विश्वभर फैलिएको कोरोना भाइरसको महामारीको कारण देश लकडाउन हुँदा अस्पतालहरुमा उपचारार्थ विमारीहरूको लागि रगत अभावका कारण समस्या उत्पन्न नहोस भनेर रक्तदान कार्यक्रम आयोजना गर्न लागेको आयोजक संस्थाका लायन राजेश श्रेष्ठ  कपन अनलाइनलाइ बताए।

उनले रक्त संचार केन्द्रको प्राबिधिक सहयोगमा  असार १७ गते काठमाडौं महानगरपालिका वडा नं ६ बौद्ध स्थित कुशल ब्यांकेटमा बिहान ९ बजे देखि शुरु भई अपरान्ह  २ बजे सम्म चल्ने उक्त रक्तदान कार्यक्रममा सहभागी हुन समेत उनले अनुरोध गरेका छन । कोरोनाको कारण  रक्तदाताहरुले स्वास्थ्यको ख्याल गरेर होला रक्तदान नगर्नुभएको,’ दातालाई अपिल गर्दै उनी भन्छन, ‘अन्य बिरामीको स्वास्थ्य र जीवन र मरणको दोसाँधमा परेका व्यक्तिलाई सहयोग गर्नका लागि भए पनि रक्तदान कार्यक्रममा सरिक भइदिन उनले अनुरोध गरेका छन  ।’