भगवती युवा क्लब र शंखडोल भगवती महिला समुह गोकर्णेश्वर ९ को संयुक्त आयोजनामा दिप प्रज्वलन

कपन अनलाइन

काठमाडौं,असार ८ ।भारतले कब्जा गरेको नेपाली भूमि कालापानी, लिम्पीयाधुरी र लिपुलेक समेटिएको नयाँ नक्सा संबैधानिक रुपमा नेपालको नक्सामा समेटिएको खुसीयालीमा गोकर्णेश्वर नगरपालिका वडा नं ९  स्थित शंखडोल डोजो हल परिसरमा रास्ट्रिय झण्डा सहित दिप प्रज्वलन गरिनुको साथै वृक्षारोपण गरिएको छ। गोकर्णेश्वर नगरपालिका वडा नं ९ मा रहेको भगवती युवा क्लब र शंखडोल भगवती महिला समुहको संयुक्त आयोजना मा दिप प्रज्वलन गरिनुको साथै डोजो हल परिसरमा बिभिन्न प्रजातिका बिरुवा वृक्षारोपण गरिएको थियो।

कार्यक्रममा रहेको भगवती युवा क्लब र शंखडोल भगवती महिला समुह समाजका पदाधिकारीहरु सहित सहित स्थानीयको स्व स्फुर्त उपस्थितिमा  दीप प्रज्वलन गरिनुको साथै  वृक्षारोपण गरिएको   थियो ।

राष्ट्रिय गान संगै शुरु भएको सो कार्यक्रम नेपालको कालापानी, लिम्पीयाधुरी र लिपुलेक समेटिएको नक्शा बनाएर दिप प्रज्वलन गरि सम्मान सहित खुसियाली प्रकट गरेका थिए।दिप प्रज्वलनमा उपस्थितहरुले लिम्पियाधुरा, लिपुलेक र कालापानी समेटिएको नक्सा संसदबाट पारित हुनु ऐतिहासिक र महत्वपूर्ण रहेको बताएका थिए  ।