मोटरसाइकललाई पनि जोर विजोर प्रणाली लागु

कपन अनलाइन

काठमाडौं ,असार १।

लकडाउन केही खुकुलो बनाउने क्रममा सरकारले जोर–बिजोर नम्बरका आधारमा सवारीसाधन सञ्चालन गर्न दिने भएको छ । जोर बिजोरका आधारमा निजी सवारी साधन समेत सञ्चालन गर्न दिएको सरकारले आज सोमबार देखि देखि मोटरसाइकल हकमा पनि यो नियम लागू गर्ने भएको हो ।

यसअघि चारपांग्रे गाडीलाई मात्रै जोर बिजोर लागू गर्ने निर्णयले मोटरसाइकल सञ्चालन गर्ने कि नगर्ने भन्नेमा अन्योलता थियो । तर जोर–बिजोर लागू गर्नुपर्नेसहितको स्पष्ट निर्देशन गरिएपछि आजदेखि यो नियम लागू गरिएको महानगरीय ट्राफिक प्रहरी कार्यालयले जनाएकाे छ ।

ट्राफिक प्रहरीका अनुसार जोर गते जोर र बिजोर गते बिजोर नम्बरका मोटरसाइकल सहितका निजी सवारीसाधन सञ्चालन हुन पाउने भएका हुन । यो नियमका आधारमा आज १ गते (बिजोर गते) बिजोर नम्बरका मात्र निजी सवारीसाधन चलाउन पाइने भएको छ ।