महानगरीय प्रहरी प्रभाग गोकर्ण द्वारा चोरीको स्कुटर सहित तीन जना पक्राउ
कपन अनलाइन
काठमाडौँ, जेठ १८। महानगरीय प्रहरी प्रभाग गोकर्णले चोरीको स्कुटर सहित तीन जनालाई आज पक्राउ गरेको छ। प्रदेश ३ -०२ – ००९ प ९०४० नम्बरको स्कुटर सहित चोरीमा संलग्न तीन जनालाई गोकर्णेश्वर ४ उत्तर बाहिनि क्षेत्र बाट पक्राउ गरेको हो । महानगरीय प्रहरी प्रभाग गोकर्णका कार्यलय प्रमुख प्रहरी नायब निरीक्षक वासुदेव थापा सहितको कमाण्डमा खटिएको टोलीले स्कुटर सहित वर्ष २२ का बिनोद खड्की, वर्ष १८ का छिरिंग लामा र वर्ष १९ का सनिप राइ लाइ स्कुटर चोरी भएको आधा घण्टामा नै नियन्त्रणमा लिन सफल भएका हुन् ।
पक्राउ परेकाहरुलाई थप अनुसन्धानको लागि महानगरीय प्रहरी वृत्त बौद्ध पठाइएको प्रहरी नायब निरीक्षक बासुदेब थापाले बताए । लकडाउनको मौका पारी चोरहरु सक्रिय रहेको हुँदा प्रहरीले थप सक्रियता बढाएको बताए। उनले अहिले प्रहरीले शान्ती सुरक्षा कायम गर्नुको साथै कोरोना रोक थामको लागि बिभिन्न कार्य गर्दै आएको बताउदै सबैको साथ र सहयोग आवश्यक रहेको पनि बताए ।
