तिन दिन देखि हराईरहेका बुढानिलकण्ठ -११ का नगरकोटी शिवपुरी जंगलमा भेटिए

कपन अनलाइन 

काठमाडौं ,बैशाख २०।

बुढानिलकण्ठ नगरपालिका वडा नं ११ बाट तिन दिन देखि बेपत्ता एक युवा शिवपुरी जंगलमा भेटिएका छन।

नेपाली सेनाको दि फेमस महिन्द्र दल गण अन्तर्गत राष्ट्रिय निकुञ्जमा तैनाथ तारेभिर पोष्टको निकुञ्ज पट्रोल टोलीले उनलाई तारेभिर जङ्गल ईलाकामा हिँडिरहेको अवस्थामा फेला पारेको थियो ।

बूढानीलकण्ठ नगरपालिका वडा नं ११ कपन निवासी ३२ वर्षका प्रभात नगरकोटी श्रेष्ठलाई सो टोलीले फेला पारे पश्चात  तारेभिर पोष्टमा ल्याएर परिवारका सदस्यहरुलाई बुझाइएको थियो।

मानसिक अवस्थामा समस्यामा रहेका ति युवालाई प्रहरीको निवेदनमा उल्लेखित हुलियाका आधारमा उद्दार गरि प्रहरीको सहकार्यमा परिवारलाई सकुशल बुझाइएको दि फेमस महिन्द्र दल गण बुढानिलकण्ठले जानकारी दिएको छ।