बुढानिलकण्ठका मुसलमानलाई रमजानमा राहत

कपन अनलाइन

काठमाडौं ,बैशाख १९।

बुढानिलकण्ठ नगरपालिका वडा नं १० बालुवाखानीमा बस्दै आएका पाकिस्तानी नागरिकहरुलाई रमजानको अवसरमा राहत वितरण गरिएको छ। सो क्षेत्रमा विगत ६ वर्ष देखि वसोवास गर्दै आएका १२० परिवारलाई रोटरी क्लव महाराजगंज,पौरखी  र इन्हुरेड इन्टरनेसनलको सहयोगमा राहत वितरण गरिएको थियो।

बुढानिलकण्ठ नगरपालिका वडा नं १० का अध्यक्ष नवराज भट्टराई ,वडा सदस्य चन्द्रमान श्रेष्ठ ,रोटरी क्लव अफ महाराजगंजका रोटरियन जय बहादुर टन्डन ,  राधिका खड्का , प्रफुल मल्ल ,विजय पोखरेल तथा इन्हुरेड इन्टरनेसनलका सबिना ढकाल र रुपा पौडेल लगायतको उपस्थिति रहेको थियो।

त्यस्तै उक्त संस्थाहरुले बुढानिलकण्ठ ७ मा २३ परिवार,टोखाको बानियाटारमा १८ परिवार तथा ललितपुरमा १२ परिवारहरुलाई राहत वितरण गरिएको थियो।