विपद व्यवस्थापनका लागि बुढानिलकण्ठ नगरपालिकाको महत्वपूर्ण निर्णय

कपन अनलाइन 

काठमाडौं ,चैत १७। बुढानिलकण्ठ नगरपालिकाले विपद व्यवस्थापनका लागि महत्वपूर्ण निर्णय गरेको छ।

बूढानीलकण्ठ नगरपालिका नगर प्रमुख उद्धब प्रसाद खरेलको अध्यक्षातामा नगरपालिकाकामा कोभिड-१९ महामारी रोकथाम र नियन्त्रणबारे महत्वपूर्ण निर्णय गर्न बैठक बसेको हो । बैठक नगरपालिकाको भवन हात्तीगौडामा बसेको हो।

बैठकमा विपत व्यवस्थापन राहत कोष व्यवस्थापन गरी सम्पूर्णलाइ सहयोग गर्न अपिल गर्ने तथा कुनै व्यक्ति संघ संस्थाले नगरपालिकाबाट पूर्व स्वीकृत नलिई राहत वितरण गर्न नपाउने र  लकडाउनलाई प्रभावकारी बनाउन कार्यपालिकालाइ अनुरोध गर्ने निर्णय गरेको छ ।

त्यस्तै सो  बैठकमा महामारी रोकथाम र नियन्त्रणगर्न नगरपालिकाले हालसम्म गरेको कार्य प्रगति माथि पनि छलफल गर्दै  नगरका बिपन्न वर्गको रोजीरोटी व्यवस्था गर्न नगर उपप्रमुख रमादेवी राइको संयोजकत्वमा समिति बनाउने निर्णय गरेको छ।

आज बसेको बैठकमा बागमती प्रदेश सभा सदस्य दिपक निरौला, बागमती प्रदेश सभा सदस्य कुसुम कुमार कार्की, नगर उप प्रमुख रमादेवी राई, नेकपा नगर कमिटि अध्यक्ष रविन अधिकारी, नेकपा नगर कमिटि सचिव प्रदिप डङ्गोल, प्रमुख प्रशासकीय अधिकृत नारायण प्रसाद रिसाल, सल्लाह सुन्दर पुर्कुटी,वडा नम्बर १० का वडा अध्यक्ष तथा नगर प्रबक्ता नवराज भट्टराई, वडा नम्बर १ का वडा अध्यक्ष तथा नगर विपत व्यवस्थापन संयोजक सुरेन्द्र लामा, वडा नम्बर १३ का वडा अध्यक्ष श्री कृष्ण श्रेष्ठ, नेपाली सेनाका प्रमुख सेनानी दिपक कोइराला, प्रहरी निरीक्षक भुपेन्द्र गिरि, लेखा शाखाका प्रमुख लोकबहादुर बोहोरा, स्वास्थ्य शाखाका प्रमुख कुमार दाहाल, योजना शाखाका प्रमुख महेस पाठक तथा प्रहरी नायब उपरीक्षक उमेश लम्सालको उपस्थित थिए ।