चम्पादेवी गाउँपालिकाद्वारा घुम्ती कार्यपालिका बैठकको सुरुवात

कपन अनलाइन

ओखलढुंगा ,चैत ७।ओखलढुंगाको चम्पादेवी गाउँपालिकाले घुम्ती कार्यपालिका बैठक थालेको छ । चम्पादेवी गाउँपालिकाको वडा नं ८ को वडा कार्यालयबाट पहिलोपटक घुम्ती कार्यपालिका बैठकको सुरुवात गरिएको हो ।

घुम्ती कार्यपालिका बैठक हरेक पटक फरक फरक वडामा गर्ने  निर्णय गरिएको गाउँपालिकाका प्रवक्ता अजय लुइटेलले बताए । वडा कार्यालयमा बसेको कार्यपालिका बैठकले कोरोना भाइरस सम्बन्धी जनचेतनामूलक कार्यक्रम सञ्चालन गर्ने, चैत २० गते गाउँपालिकाको गाउँसभा गर्नेलगायतका निर्णय गरिएको लुइटेलको भनाई छ । आउँदो बैठक वडा नं १० मा गर्ने तयारी गरिएको छ ।

फोटो सौजन्य: ओखलढुंगा खबर