मेलम्ची नगरपालिकास्तरीय राष्ट्रपति रनिङ शिल्डको उपाधि इन्द्रेश्वरी माविलाई
कपन अनलाइन
मेलम्ची, माघ २८ । मेलम्ची नगरपालिकास्तरीय राष्ट्रपति रनिङ शिल्ड खेलकुद प्रतियोगिता सम्पन्न भएको छ ।
सोमबार सम्पन्न भएको उक्त प्रतियोगिताको उपाधि इन्द्रेश्वरी मावि मेलम्ची–११ले प्राप्त गर्न सफल भएको छ, भने क्रमश शीतलादेवी मावि मेलम्ची–१० दोश्रो ,प्रगति अंग्रेजी मावि, मेलम्ची–११ तेस्रो हुन् सफल भएको छ ।
मेलम्ची नगर प्रमुख डम्बर अर्यालले क्रमश पहिलो, दोस्रो र तेस्रो हुने विद्यालयलाई नगद रु २० हजार, १५ हजार, १० हजारका साथ पदक प्रदान गरे ।
मिति २०७६ माघ २६ गते बाट सुरु भएको उक्त प्रतियोगिताको एथ्लेटिक्सतर्फ इन्द्रेश्वरी मावि पहिलो, जालपादेवी मावि दोस्रो र बतासे मावि तेस्रो भएको छ। भने कराँतेमा शीतलादेवी मावि पहिलो र प्रगति मावि दोस्रो भएको छ ।
छात्रछात्रा दुवै भलिबलमा तेर्से माविले पहिलो स्थान हासिल गर्न सफल भएको छ । कबड्डी छात्रातर्फ फटकशिला मावि पहिलो भयो भने इन्द्रेश्वरी मावि दोस्रो भयो, छात्रतर्फ इन्द्रेश्वरी मावि पहिलो र प्रगति मावि दोस्रो भएको छ ।
गत बर्ष संस्करणको रनिङ शिल्ड पनि इन्द्रेश्वरी माविले प्राप्त गरेको थियो ।
फोटो सौजन्य :दिपक बिक्रम देउजा
