दोस्रो संस्करणको लिबर्टी कप सेभन ए साइड फुटबल प्रतियोगिताको दोस्रो दिनको खेलहरु सम्पन्न

कपन अनलाइन

काठमाडौं माघ २४। दोस्रो सँस्करणको लिबर्टी कप सेभेन ए साइड फुटबल प्रतियोगिता अन्तरगत आज दोस्रो दिन पहिलो चरणका खेलहरु सम्पन्न भएका छन्।

आज सम्पन्न खेलहरु मा छात्र तर्फ कान्ति भैरब माबी ले गणेश हिमाल सेकेण्डरी स्कुललाई २-० ले, सहयोगी माबी ले प्रारम्भ एकेडेमीलाइ २-१ ले, इनसाइट भिजन स्कुलले अरुणोदय माबी लाइ टाईब्रेकरमा २-० ले , वर्ल्ड युथ इन्टरनेसनल स्कुलले चार्ल्स डार्बिन एकेडेमी लाइ टाईब्रेकरमा ४-३ ले, त्रिकोण पब्लिक स्कुलले लार्ड्स लाइट एकेडेमीलाइ २-० ले, जीवन तारा एकेडेमीले गोकर्ण लाइट एकेडेमीलाइ ५-० ले र समता शिक्षा निकेतनले मनकामना सेकेण्डरी स्कुललाई २-० ले हराएका छन् ।

 आजै भएको छात्रा तर्फको एक मात्र खेलमा वर्ल्ड युथ इन्टरनेसनल स्कुलले बिपुल शिक्षा निकेतनलाई २-० गोल अन्तरले पराजित गरेको छ । गोकर्णेश्वर आतरखेलमा अबस्थित शिवपुरी खेल मैदानमा संचालन भैरहेको प्रतियोगितामा काठमाण्डौ जिल्लाका संस्थागत तथा सामुदायिक गरि ३५ वटा बिद्यालयको छात्र तर्फ २७ र छात्रा तर्फ १४ टिमको सहभागिता रहेको छ ।

प्रतियोगितामा प्रथम दितीय र तृतिय हुनेले क्रमस नगद २० , १० र ५ हजार का साथै ट्रफी मेडल र प्रमाण पत्र पाउने छन् । खेल अबधी भर छात्र तथा छात्रा तर्फ बेस्ट प्लेयर , बेस्ट किपर र हाइ स्कोरर लाइ पनि ट्रफी तथा प्रमाणपत्र को ब्यबस्था गरिएको छ ।प्रतियोगिताको अन्तिम खेल माघ २८ गते हुने  आयोजक संस्थाका प्रिन्सिपल ओम प्रसाद ढकालले जानकारी गराए ।

फोटो :सरोज बस्नेत