गोल्डेनगेट सेमिफाइनलमा

कपन अनलाइन 

काठमाडौं, माघ २१  । गोल्डेनगेट १९ औं ज्ञान निकेतन बास्केटबल प्रतियोगिताको प्लस टु ब्वाइजतर्फ सोमबार सेमिफाइनलमा प्रवेश गरेको छ । ज्ञान निकेतनद्वारा आयोजित प्रतियोगितामा गोल्डेनगेटसंगै ह्वाइटहाउस, जेभियर इन्टरनेसनल कलेज र न्यु जेनिथ पनि सेमिफाइनलमा पुगे ।
गोल्डेनगेटले सीसीआरसीलाई ६४–५७ ले पराजित गर्यो  । गोल्डेनगेटको जितमा सुशिल घलेले ३५ अंक योगदान गरे । विशाल मोक्तानको २० अंक सहयोगमा ह्वाइटहाउसले आयोजक ज्ञान निकेतनलाई ५८–४२ ले हरायो ।
जेभियरले इन्साइट भिजनको चुनौती ४९–३५ ले समाप्त पार्यो  । विजेताका सागर तामाङले १३ स्कोर गरे । मोर्गन विरुद्धको खेलमा न्यु जेनिथ ५०–४२ ले विजयी भयो । न्यु जेनिथका संकित शाहीले १५ अंक जोडे ।
सेमिफाइनलमा न्यु जेनिथको भेट गोल्डेनगेटसंग हुनेछ भने ह्वाइटहाउसले जेभियरको सामना गर्ने छ । स्कुलतर्फ ब्वाइजको सेमिफाइनल ज्ञान निकेतन र इनोभेटिभ तथा नेरिक एकेडेमी र पुष्पसदनबीच हुनेछ