लायन्स क्लव अफ सिन्धुपाल्चोकको सदस्य बने प्रदेश सभा सदस्य लामा र जिसस प्रमुख तामाङ
काठमाडौं, माघ ८। बागमती प्रदेशका प्रदेश सभा सदस्य निमा लामा र जिल्ला समन्वय समिति सिन्धुपाल्चोकका प्रमुख कृष्ण गोपाल तामाङ लायन्स क्लब अफ सिन्धुपाल्चोकको सदस्य बनेका छन।
लायन्स क्लब अफ सिन्धुपाल्चोकले हेलम्बु गाउँपालिका वडा -२ शेर्माथानमा आयोजना भएको एक कार्यक्रममा लामा र तामाङले सदस्य बन्ने घोषणा गरेका थिए ।
लामा र तामाङले समाजसेवा र अन्य मानविय कार्यमा आफ्नो योगदान दिदै आएको लायन्स क्लबको रचनात्मक र सृजनात्मक काम बाट प्रभावित बनेर यो अभियानमा सामेल हुन लागेको सो अबसरमा बताएका थिए ।
सिन्धुपाल्चोक जिल्लामा लायन्स अभियान मार्फत मानविय सेवाको कार्यमा सांसद र जिसस प्रमुखको सहभागीताले निकै उत्साहित बनाएको क्लबका संस्थापक प्रेसिडेन्ट ठाकुर तिवारीले बताए ।
सिन्धुको पर्यटन प्रवर्द्धन र सामाजिक विकासका लागि स्थापना भएको लायन्स क्लब अफ सिन्धुपाल्चोकको अभियानमा लामा र तामाङको आगमनले अर्थपूर्ण र प्रभावकारी भुमिका खेल्ने क्लबका प्रेसिडेन्ट आशिष खड्काले बताए ।
राजाराम सापकोटा प्रेसाइडिङ अफिसर रहेको लायन्स क्लब ईन्टरनेसनल डिस्ट्रीक ३२५ ए १ को थर्ड एड्भाइजरी मिटिङको अवसरमा डिस्ट्रीक गभर्नर ईन्द्र खत्री राजनले सदस्य बन्ने घोषणा गरेका लामा र तामाङलाई स्वागत गरेका थिए ।
