सवारी चालक अनुमति पत्र बनाईदिन्छु भनि पैसा लिने व्यक्ति पक्राउ
कपन अनलाइन
काठमाडौं, माघ ८। सवारी चालक अनुमति पत्र बनाईदिन्छु भनि पैसा लिने व्यक्ति पक्राउ परेको छ।
महानगरीय ट्राफिक प्रहरी महाशाखाबाट खटिएको ट्राफिक प्रहरी टोलीले बिशेष सूचनाको आधारमा उनीहरुलाई यातायात व्यवस्था कार्यालय ठुलोभर्याङबाट पक्राउ गरेको हो।
पक्राउ पर्नेमा बाजुरा जुगाडा गाउँपालिका -६ घर भई ठुलोभर्या बस्ने वर्ष २५ को मान बहादुर रोकाया र धादिङ निलकण्ठ नगरपालिका -४ घर भई स्वयम्भू बस्ने वर्ष ३८ को गणेश गुरुङ रहेका छन्।
उनीहरुलाई सवारी चालक अनुमति पत्रको लिखित परीक्षामा पास गराईदिने भनि रु. २ हजार लिएको अबस्थामा पक्राउ गरेको हो।
उनीहरुलाई आवश्यक अनुसन्धान एवं कारबाहीको लागि महानगरीय प्रहरी बृत्त, स्वयम्भूमा बुझाइएको छ ।
तपाइँको प्रतिक्रिया ।
