उम्मेदवारहरु मतदान केन्द्रहरुमा पुग्न थाले

कपन अनलाइनमंसिर ४ गते
देशको सबैभन्दा चर्चित क्षेत्र भनेर चिनिने काठमाडौं क्षेत्र नं. ४ का उम्मेदवारहरु क्षेत्रभित्रका सबै मतदान केन्द्रमा पुग्न निस्किएका छन् । बिहानै एमाओवादीका उम्मेदवार पसाङले आफ्नो बसोबास रहेको कपन गाविसको मतदान केन्द्रको निरीक्षण गरेका छन् । कपनबाट उनी अरु गाविस र नगरका वडाहरुमा निरीक्षणका लागि निस्किएका छन् । काठमाडौं ३३ नं. वडामा घरवास भएका नेपाली कांग्रेसका उम्मेदवार गगन थापाले आफ्नो बुथमा मतदान गरी अहिले विभिन्न गाविसको भ्रमणमा रहेका छन् । त्यसैगरी एमाले उम्मेदवार निर्मल कुइँकेलले आफ्नो वडामा मतदान गरेर बिभिन्न अरु मतदान केन्द्रको निरीक्षणमा हिँडेको हाम्रा संबाददाताले बताएका छन् ।
(फोटोः कपन गाविसअन्तर्गत वडा नं. १ मा रहेको उसु हल मतदाकेन्द्रको निरीक्षणमा आएका नेपाली कांग्रेसका उम्मेदवार गगन कुमार थापा ।)