राष्ट्रिय झण्डा र राष्ट्रिय गीतसहित घरदैलो

कपन अनलाइनकार्तिक २४

पार्टीका झण्डा तथा चुनाव चिन्हको झण्डासहित निस्कने घरदैलोको र्याली हेर्दा हेर्दा दिक्क भएका कपनवासीले हिजो राष्ट्रिय झण्डा तथा गीतसहितको घरदैलो हेर्न पाए । कुकुर चिन्ह लिएर चुनावी मैदानमा उत्रिएका सन्तोष प्रधानले कपनमा आयोजित घरदैलोमा राष्ट्रिय झण्डासहितको र्याली निकालेका हुन् । करिब ५० को संख्यामा रहेका युवाहरुसहित घरदैलोमा उम्मेदवार सन्तोष भने रिक्सा चलाउँदै थिए ।

नेपाली राजनीतिमा विद्यमान विसंगतिहरुलाई मुख्य मुुद्धा बनाएको विवेकशिल नेपाली अभियानका लागि स्वतन्त्र उम्मेदवार हुन् सन्तोष प्रधान । कपनवासीले यस अभियानलाई विशेष मनपराएको ठहर गर्दै केही दिनदेखि कपन केन्द्रित कार्यक्रमहरु गर्दै आएका सन्तोषले कपनमा नै एक प्रचारप्रसार कार्यालयसमेत खोलेका छन् । सफ्टवयर क्षेत्रका २५ वर्षीय युवा उद्यमी सन्तोषले वर्तमान राजनीतिबाट वाक्क भएका जनताले आफूलाई मत हालेर बिजय गराउने आशा लिएका छन् ।