मेलम्ची नगरपालिका -१२ गिरानचौर सामुदायिक पुस्तकालय तथा स्रोत केन्द्रको भवन उद्घाटन
कपन अनलाइन
मेलम्ची, पुस १। मेलम्ची नगरपालिका वडा नं १२ मा रहेको गिरानचौर सामुदायिक पुस्तकालय तथा स्रोत केन्द्रको भवन समुद्घाटन समारोह सम्पन्न भएको छ ।
पुर्व कानुन मन्त्री शेर बहादुर तामाङको प्रमुख आथित्यतामा सम्पन्न भएको सो कार्यक्रममा , प्रदेश सांसद निमा लामा ,जिल्ला समन्वय प्रमुख कृष्णगोपाल तामाङ, मेलम्ची नगरपालिका प्रमुख डम्बर बहादुर अर्याल , ,उप-प्रमुख भगवति नेपाल ,रिड अध्यक्ष भोला श्रेष्ठ, वडा अध्यक्ष राम बहादुर तामाङ पुस्तकालय निर्माण समिती अध्यक्ष गोर्खा तामाङ र स्थानियको सहभागिता रहेको थियो ।
सो पुस्तकालय निर्माण धुर्मुस सुन्तली फाउन्डेसनको संयोजनमा READ,Nepal र कार्लुची फाउन्डेसनको सहयोगमा निर्माण भएको हो ।
उक्त पुस्तकालय निर्माणका लागि तुलाराम तिवारी, नानिमाया तिवारी, तुलसी प्र तिवारी र कमला थापा जग्गा दान दिएका थिए।
उक्त पुस्तकालयमा पुस्तकालय कक्ष, बालबच्चा कक्ष, युवा कक्ष, महिला कक्ष, जेष्ठ नागरिक कक्ष र आईटी कक्षको ब्यबस्था गरिएको छ ।
