निजि तथा आवासीय बिद्यालय संगठन (प्याव्सक) को चौथो अधिबेशन सम्पन्न

कपन अनलाइन

काठमाडौं, मंसिर २५। निजि तथा आवासीय बिध्यालय संगठन (प्याव्सक) को चौथो अधिबेशन सम्पन्न भएको छ।

काभ्रेपलान्चोक जिल्ला धुलिखेलमा रहेको जंगल रिसोर्ट लजमा भएको सो अधिबेशनको प्रमुख अतिथी नेसनल प्याव्सन केन्द्रिय समितिका महासचिव सुवास न्यौपाने रहेका थिए भने केन्द्रिय परिक्षा नियन्त्रक राम राज खकुरेल , प्यावसकका संस्थापक अध्यक्ष केदारराज पुडासैनी , नेसनल प्याव्सन उपत्यका सचिव भुपेन्द्र खत्री , नेसनल प्याव्सन काठमाडौं जिल्ला अध्यक्ष बिष्णु पराजुली , काठमाडौंका पुर्व अध्यक्ष सिपि आचार्य , जिल्ला सदस्य गङगा त्रिपाठी , प्याव्सकका संस्थापक सदस्य दिनेश खतिवडा, दियालो प्रकासनका मुरारी भन्डारी  लगायत अतिथि रहेका थिए ।

प्याव्सकका कार्यवहाक अध्यक्ष नारायण बाबू तिमल्सिनाको अध्यक्षतामा भएको सो अधिबेसनमा संस्था स्थापनाकाल देखि भएका कार्यक्रम र अन्य गतिविधिहरुका वारेमा जानकारी प्रदान गरिएको थियो ।

प्याव्सकका महासचिव गेन्द्र लामाले संचालन गरेको सो कार्यक्रममा संस्थाका सचिव समीर बास्तोलाले स्वागत मन्तव्य राखेका थिए । सो अधिबेशनमा बोल्ने वक्ताहरुले संस्थाको गतिविधि र कामहरूका लागि बधाई ज्ञापन गर्दै आगामी दिनका लागि शुभकामना दिएका थिए ।

काठमाडौं जिल्लाका विभिन्न क्षेत्रका करिव ४५ बिध्यालय सदस्य रहेको प्याव्सकले विध्यार्थी , शिक्षक तथा अभिभावक केन्द्रित कार्यक्रम संचालन गर्दै आएको छ।