कपन साहित्य समाजको आयोजनामा सृजनात्मक लेखन तथा प्रशिक्षण कार्यक्रम सम्पन्न

काठमाडौं, मंसिर २३ ।कपन साहित्य समाजले  आयोजना गरेको एकदिने अन्तर विद्यालयस्तरीय   सृजनात्मक लेखन तथा प्रशिक्षण कार्यक्रम सम्पन्न भएको छ ।

 बुढानिलकण्ठ नगरपालिका – १० का वडा अध्यक्ष तथा नगरपालिका प्रबक्ता नवराज भट्टराईको प्रमुख आथित्यमा समपन्न भएकाे सो कार्यक्रममा प्रशिक्षककाे रूपमा नेपाली साहित्य जगतका हस्तिद्वय  डा. रामप्रसाद ज्ञवाली र  डा. देवी नेपाल उपस्थित थिए ।

 कार्यक्रममा शुभकामना मन्तब्य राख्दै कपन संगीत सरोबरका अध्यक्ष विसुकुमार केसीले बर्तमान समाजमा रचना र सृजना व्यक्तिको सम्पत्ति भएको बताए ।

उक्त कार्यक्रममा  डा. देवी नेपालले साहित्य वर्तमानको यात्रा भएकाले साहित्यकार अमर हुने बताउँदै साहित्य सृजनामा लाग्न विद्यार्थीहरुलाई आग्रह गरेका थिए ।

 कार्यकममा सहभागीहरुलाई प्रमाणपत्र प्रदान गरिएको थियो ।