कराँतेको फाइटतर्फ नेपालका लक्ष्मण तामाङलाई स्वर्ण

कराँतेको फाइटतर्फ नेपालका लक्ष्मण तामाङलाई  स्वर्ण

कपन अनलाइन

काठमाडौं, मंसिर १६। १३ औं दक्षिण एसियाली खेलकुद प्रतियोगिता (साग) अन्तर्गत कराँतेको पुरुष कुमुतेमा लक्ष्मण तामाङले नेपालको लागि पहिलो स्वर्ण जितेका छन् ।

सोमबार कातातर्फ स्वर्ण जितेको नेपालले फाइट (कुमुते) तर्फ पनि शुरुमै स्वर्ण जितेको हो । ५५ केजी तौल समूहमा लक्ष्मणले बंगलादेशका मोहम्मद मस्तोफालाई १-० ले पराजित गरे ।

सेमिफाइनलमा उनले श्रीलंकाका वार्नाकुला सूर्यलाई पराजित गरेका थिए । लक्ष्मणले स्वर्ण जितेसँगै नेपालले सागमा जितेको स्वर्णको संख्या ७ पुगेको छ ।

फोटो सौजन्य: खेलपाटी

तपाइँको प्रतिक्रिया ।