चौतारा सांगाचोकगढि नगरपालिका – ९ श्री गोल्मादेवि माध्यमिक बिद्यालयको नब-निर्मित भवन हस्तान्तरण

कपनअनलाइन

सिन्धुपाल्चोक,मंसिर १ ।चौतारा सांगाचोकगढि नगरपालिका वडा -९ जितपुरमा रहेको श्री गोल्मादेवि माध्यमिक बिद्यालयको नब-निर्मित भवन उद्घाटन तथा हस्तान्तरण कार्यक्रम समपन्न भएको छ।

उक्त विद्यालय २०७२ साल बैशाख १२ गतेको विनासकारि महा भुकम्पले क्षत विक्षत भएको थियो । क्षतविक्षत भए पश्चात एशियालि विकास बैंकको वित्तिय आर्थिक सहयोगमा निर्माण भएको १६ कोठे पक्कि भवन उद्घाटन तथा हस्तान्तरण कार्यक्रम सम्पन्न भएको छ।

विद्यालय ब्यबस्थापन समितिका अध्यक्ष रेशम तामाङको सभापतित्व एवम संघिय प्रतिनिधि सभा सदस्य , पुर्व मन्त्री अग्नि प्रसाद सापकोटाको प्रमुख आतिथ्यतामा सम्पन्न भएको उक्त कार्यक्रममा  चौतारा सांगाचोकगढि नगरपालिका चौताराका मेयर अमान सिं तामाङ , छिमेकी विद्यालयका प्रधानाध्यापक एवम प्रतिनिधि र स्थानिय तहका जनप्रतिनिधि, वडा -९ का वडा अध्यक्ष बिष्णु लामा लागाएत सरोकारवालाहरुको बाग्लो उपस्थिति रहेको थियो ।

सो कार्यक्रममा सुविधायुक्त भवनलाई जोगाइराख्न र प्रभावशाली शिक्षामा जोड दिन विद्यालय परिवारलाई प्रमुख अतिथि एवम पुर्व मन्त्री अग्नि प्रसाद सापकोटाले अनुरोध  गरेका थिए।

वि.स. २०३९ सालमा स्थापना भएको विद्यालय महाभुकम्पले वि स २०७२ सालमा क्षत विक्षत भएपछि कुरुप रहेको विद्यालय अहिले सुन्दर र सुविधायुक्त भवन पाउँदा विद्यार्थी र अभिभावक सबै खुशि भएका छन ।

उक्त कार्यक्रमलाई अझै रमाईलो प्रदान गर्न राष्ट्रिय कलाकार अनिश योन्जन र आस्मान लोप्चनले सेलो गीत प्रस्तुत गरेर थप मनोरञ्जन दिलाएका थिए ।

फोटो सौजन्य: तिप्लिङ न्यूज