कपन प्रभागमा रबिन्द्र भट्ट आए

कपन अनलाइनबद्रि भट्टराई

कपन प्रहरी प्रभागमा नयाँ प्रमुख आएका छन् । अझै दरबन्दिसहितको निरिक्षक पाउन नसकेको कपन प्रभागले काजमा आएका निरिक्षक रविन्द्र  भट्टलाई पाएको हो । उनीअघि रोशनकुमार सिजापती निरिक्षकको रुपमा क्रियाशिल थिए । सिजापतीलाई पदस्थापन गर्न आएका भट्ट मेट्रो प्रहरीबाट काजमा कपन आएका हुन् ।
नेपाल प्रहरीमा २०६७ मा खुल्ला प्रतिस्पर्धाबाट अधिकृत बनेका रविन्द्र भट्ट वैतडी जिल्ला जन्मिएका हुन् । हाल महेन्द्रनगर स्थायी बसोबास गरिरहेका उनले आइ.एस.सी तथा वि.एस.सिहुँदै माइक्रोवायोलोजी एम.एस.सि गर्दागर्दै प्रहरी सेवामा प्रवेश गरेका हुन् । उनका परिवार भित्रका सदस्यहरुसमेत प्रहरी पेशामै संलग्न छन् । पिता भारतीय प्रहरीका रिटार्यड भएका अफिसर थिए । त्यसैगरी काका घनानन्द भट्ट नेपाल प्रहरीमा एस.एस.पी पदमा कार्यरत छन् ।

काजमा कपनको प्रहरी प्रमुखका रुपमा आएका भट्ट आफु जति समय रहेपनि कपन गाविसका जनताहरुको सुरक्षा लागि सँधै प्रतिवद्ध रहने छोटो कुराकानीमा कपअनलाइनलाई उनले बताए ।
कपनको तथा यस क्षेत्रको सुरक्षा अवस्थालाई मजबुत बनाएर अगाडि लैजान चाहेको उनले बताए । उनी चाँडो भन्दा चाडो एक अन्र्तक्रिया कार्यक्रम आयोजना गर्ने योजना बनाइरहेका छन् । उनले कपन अनलाइन मार्फतबाट नै सम्पूर्ण कपनवासीहरुलाई यस क्षेत्रको शान्ति सुरक्षा कायम राख्न सकारात्मक सहयोगका लागि आग्रह गरे ।