चावहिल चोकमा ट्रीपर फस्दा सवारी आवगमन  अवरुद्ध

कपन अनलाइन

काठमाडौ,माघ १७

चावहिल चोकमा बा ४ ख ७२ ९३ नं को ट्रीपर चक्का भासिएर दुर्घटनाग्रस्त हुँदा सवारी आवगमन  अवरुद्ध भएको छ । दिउँसो १ बजेतिर ट्रीपर  भासिएको ट्राफिक प्रहरीले बताए ।

चावहिल लगायतका अन्य क्षेत्रमा मेलम्ची खानेपानी आयोजना र अन्य विकास निर्माणका लागि खनिएका खाल्डा र अन्य संरचना व्यवस्थित नहुदा यस्ता घटना दैनिक जस्तो भैरहेको एक स्थानीयले बताए।

खानेपानीको पाइप लिक भएर खाल्डो बनेर ट्रीपर फसेकोले अहिले सो क्षेत्रमा सवारी आवगमनमा असर परेकोले खानेपानी कार्यालयमा सम्पर्क गरिएको र त्यसलाई निकाल्ने प्रयास सुरु गरिएको वडा नं ७ का सदस्य कृष्ण मणि भट्टराईले बताए ।