चोरी गरिएको स्कुटर र मोबाइल सहित बुनपा -१२ का एक व्यक्ति पक्राउ

कपन अनलाइन

काठमाडौ,माघ १०।

कामनपा ६  भृकुटी चोकको स्नुकर  हाउस बाट मोबाइल चोरीमा संलग्न भएका सोलुखुम्बु ताक्सिंग गाउपलिका हाल बुढानिलकण्ठ नगरपालिका वडा नं १२ बस्ने  वर्ष २५ का तेन्जिंग शेर्पालाइ कपन प्रहरी प्रभाग वाट खटि गएको गस्ती टोलीले पक्राउ गरेको छ। उनको कोठा बाट चोरी गरिएका ग्यास स्टोभ र सिलिन्डर पनि बरामद गरिएको छ ।

उनलाई प्रहरीले चेकजाँचको क्रममा  चोरी गरिएका  ६ थान मोबाइल र बा ४० प १६९३ नम्बरको प्लेजर स्कुटर सहित पक्राउ गरेको छ  ।त्यस्तै गरि माकाल बारी बाट चोरि भएको बा ८९प ४५ ४३ नम्बरको पल्सर मोटर साइकल सहित दक्षिण ढोका बस्दै आएका वर्ष १८ का तेज थापालाइ पक्राउ गरि थप आवश्यक अनुसन्धानको लागि महानगरीय प्रहरी वृत बौद्ध पठाइए प्रहरीले बताएको छ ।