कपन ट्राफिक प्रहरीले बिजुलीका पोलका ब्यानरहरु हटायो

कपन अनलाइनकपन गाविसका बाटोहरुमा रहेका बिजुली तथा टेलिफोनका पोलहरुमा अनधिकृतरुपमा टाँगिएका ब्यानरहरुलाई कपन ट्राफिक प्रहरीले निकालेको छ । उपत्यका ट्राफिक प्रहरीले एक योजनाका साथ उपत्यकाभरी संचालन गरेको अभियानअन्तर्गत कपन ट्राफिक प्रहरीले पनि व्यानरहरु हटाएको हो ।

कपन ट्राफिक प्रहरी इन्चार्ज असही नेत्रबहादुर हमालले वर्षौदेखि फोहर भएर रहेका कपडा तथा फ्लेक्सका अवशेषहरुलाई हटाउने अभियान भएकोले सर्वसाधरण र टोलसुधार समितिले पनि सहयोग गरेका बताए । उनले यसरी हटाउँदा सार्वजनिक महत्वका व्यानरहरुलाई नहटाइएको पनि बताए ।

कपनका बिजृुलीका पोलहरुमा वर्षौंदेखि यस्ता फ्लेक्स र ब्यानर राख्ने काम भएको तर सफा गर्ने काम कसैले नगरेको अवस्थामा कपन ट्राफिक प्रहरीको यो प्रयासलाई सबैले प्रशंसा गरेका छन् ।