चलचित्र विकास बोर्डमा नयाँ अध्यक्ष आएसंगै सदस्यद्वारा बैठक बहिष्कार

कपन अनलाइन 

काठमाडौ,पौष २६।
चलचित्र विकास बोर्डमा निकिता पौडेलको नियुक्तिसँगै सदस्यहरुले बैठक बहिष्कार गर्न थालेका छन् । उत्तम केसी, नरेन्द्र महर्जन लगायतले बोर्ड बैठक बहिष्कार गर्दै आएका छन् । सदस्यको उपस्थिति नभए पछि अध्यक्ष निकिता पौडेलले सञ्चार मन्त्रालयका सहसचिव तथा बोर्ड सदस्य युवराज खतिवडा, अर्थ मन्त्रालयका सहसचिव डम्बर पराजुली लगायतलाई डाकेर बोर्ड बैठक राखेकी हुन् ।

अध्यक्ष नियुक्त भएयता आधा दर्जन बढी बैठक बसि सकेको छ। उनी त्यहाँ नियुक्त हुँदा देखि नै उत्तम, नरेन्द्र लगायतले स्वागत कार्यक्रम समेत बहिष्कार गरेका थिए ।

यता, गोपीकृष्ण मुभिजले हलमा चलाइएका चलचित्र बापत सेयर समेत निर्माताहरूलाई नदिने गरेको खबर छ । केही समय अघि सम्म वितरक सुनील मानन्धर गोपीकृष्ण मुभिजले दिनु पर्ने एक करोड रकम नपाएको गुनासो गर्थे । छक्का पञ्जा पहिलो प्रदर्शन गरे बापत गोपीकृष्ण मुभिजले दीपकराज गिरीहरूलाई एक वर्षसम्म भुक्तानी नदिए पछि छक्कापञ्जा दुई गोपीकृष्णलाई दिएका थिएनन् । अन्ततः एक वर्षपछि छक्का पञ्जा एकको रकम भुक्तानी गरेपछि मात्र छक्का पञ्जा दुई दिए । त्यहाँबाट यसरी आर्थिक शोषणमा परेका निर्माताहरूको संख्या दर्जनौं छ ।

समाचार साभार : जन आस्था साप्ताहिक