आधारशिला समूह कपनले गरेको कार्यक्रममा ९९ जनाले रक्तदान गरे

कपन अनलाइनकपनको सबैभन्दा पूरानो क्लब आधारशिला समूहले आज शनिबार आयोजना गरको बृहत रक्तदान कार्यक्रममा ९९ जनाले रक्तदान गरेका छन्  । युवाहरुलाई सामाजिक जिम्मेवारीमा अग्रसर गराउने पहलस्वरुप आयोजना  गरिएको यो कार्यक्रम  कपन ६ स्थित आधारशिलाको प्रांगणमा बिहान १० बजेबाट आयोजना भएको थियो  ।

सबैभन्दा पूरानो क्लबलाई अझै सक्रिय तथा क्रियाशिल बनाउन आयोजना गरिएको बृहत रक्तदान कार्यक्रम  कपनमा सबैभन्दा सफल रक्तदानमध्ये एक भएको छ । धेरै समयदेखि कपनमा आयोजित रक्तदान कार्यक्रममा ७५ जना भन्दा बढिले रक्तदान गर्न सकेका थिएनन् ।

रक्तदान कार्यक्रमको अवसर पारेर संस्थाले केहि संस्थापक सदस्य पनि संस्थामा भित्र्याएको छ । रक्तदानको अवसर पारेर आत्माराम पौडेल,रामकृष्ण के.सी, केशव ढकाल, राजाराम बुढाथोकी, बिनोद पौडेल, बिनोद चालिसे आधारशिला समुहको संरक्षक बनेका छन् । उनिहरूले जनही ५,००० संस्थालाई दिएर संरक्षक बनेका हुन् ।

सफल रक्तदान पश्चात आधारशिला समूह अरू बिभिन्न सामाजिक कार्यक्रम संचालनको  लागेको संस्थाका अध्यक्ष राधेश्याम कार्कीले कपन अनलाइनलाई बताए ।