फिल्म ‘ह्याप्पी न्यु ईयर’को ट्रेलर सार्वजनिक

काठमाडौं, ७ मंसिर । पुष १४ गतेबाट देशैभर एकसाथ प्रदर्शनमा उत्रिन लागेको फिल्म ‘ह्याप्पी न्यु ईयर’को ट्रेलर सार्वजनिक भएको छ । बिहीवार राजधानीमा एक कार्यक्रमका बीच फिल्मको रोमान्टिक र एक्सन ड्रामा मिश्रित कलरफुल ट्रेलर सार्वजनिक गरिएको हो ।

देवकुमार श्रेष्ठ निर्देशित यो फिल्मको अधिकांश छायांकन अष्ट्रेलियामा गरिएको हो । लभस्टोरी कथामा निर्मित ‘ह्याप्पी न्यु ईयर’मा कुशल थापा, पुकार गौतम, सन्ध्या केसी, इश्वर थापा, पदम शाक्य लगायतका कलाकारको अभिनय छ । फिल्ममा अस्ट्रेलियन छायाँकार बेन्जामिन ड्रेको छायांकन, विनोद ढकाल र टंक बुढाथोकीको संगीत र कुशल थापाको कथा छ ।

फिल्मलाई नायक कुशलकी श्रीमति रती थापाले निर्माण गरेकी हुन् । ट्रेलर सार्वजनिक कार्यक्रममा बोल्दै नायक थापाले ‘ह्याप्पी न्यु ईयर’ले दर्शकलाई खोजे जस्तो मनोरञ्जन दिनेमा दाबी गरे । कार्यक्रममा नायिका सन्ध्या केसी भने अनुपस्थित थिइन् ।

तपाइँको प्रतिक्रिया ।