कपन अनलाइनले एसएलसि परीक्षामा कपनबाट सर्वोत्कृष्ट विद्यार्थीलाई सम्मान गर्ने
कपन अनलाइन०६९ सालको एसएलसि परीक्षामा कपन क्षेत्रका विद्यालयहरुबाट सर्वोत्कृष्ट अंक ल्याउने विद्यार्थीलाई यस वर्ष कपन अनलाइनले सम्मान गर्ने भएको छ । कपनको सामाजिक, आर्थिक, शैक्षिक, राजनीतिक तथा खेलकुदजस्ता क्षेत्रका विभिन्न समाचारलाई अनलाइनमार्फत प्रकाशित गर्दै आएको कपन अनलाइनले आफ्नो पहिलो वार्षिकोत्सवको अवसर पारेर यस कार्यक्रमको आयोजना गर्न लागेका हो । सम्मान कार्यक्रम व्यवस्थापनका लागि कपन अनलाइनका दामोदर भट्टराई (बद्रि) लाई संयोजक बनाइएको छ ।
उच्च शिक्षाको द्वार मानिने प्रवेशिका परीक्षामा आ–आफ्नो विद्यालयबाट सर्बाेत्कृष्ट अंक ल्याउने एक छात्र र एक छात्रालाई सम्मान गरिने कार्यक्रम रहेको छ । कपन क्षेत्रका विद्यालयहरुबाट सबैभन्दा बढि प्रतिशतका ल्याउने विद्यार्थीलाई पनि सम्मान गरिने छ । कार्यक्रममा नेपाली पत्रकारिता क्षेत्रका तथा शिक्षा क्षेत्रका विशिष्ट व्यक्तिहरुको उपस्थिति रहने छ ।
कपन अनलाइनको वार्षिकोत्सव पारेर कपनमा नै बसोबास गरी नेपाली फुटबल क्षेत्रमा उचाई छुँदै गरेका प्रसिद्ध मनाङमस्र्याङ्दी क्लबका मुख्य गोलरक्षक तथा राष्ट्रिय टोलीका वैकल्पिक गोलकिपर विशाल श्रेष्ठलाई पनि सम्मान गरिनेछ । कार्यक्रम आगामी असार १६ गते आइतबार विहान ७ः४५ बजे गरिनेछ ।
