बूढानीलकण्ठमा सवारी दुर्घटना २ को मृत्यु,२ घाइते

कपन अनलाइन 

काठमाडौं ,कार्तिक २९ ।

काठमाडौंको बूढानीलकण्ठमा भएको सवारी दुर्घटनामा २ जनाको मृत्यु भएको छ भने २ जना घाइते भएका छन् । मंगलबार बेलुका पैदल यात्रीलाई ठक्कर दिएर भागेको मोटरसाइकल स्कुटी र माइक्रोमा ठोक्किँदा उनिहरुको ज्यान गएको हो ।

ज्यान जानेमा मोटरसाइकलमा सवार कपनका आश्रित श्रेष्ठ (१७) र भक्तपुरको मध्यपुर ठिमीका प्रयाग श्रेष्ठ रहेका प्रहरलिे जनाएको छ । उनीहरुको उपचारका क्रममा शिक्षण अस्पतालमा मृत्यु भएको हो । दुर्घटनामा पैदलयात्री विश्वदीप थापा र स्कुटर चालक इमोस राई घाइते भएका छन् ।

ट्राफिक प्रहरीका अनुसार उनीहरु दुवै जनाको अहिले शिक्षण अस्पतालमा उपचार भइरहेको छ । बूढानिलकण्ठबाट महाराजगञ्जतर्फ गइरहेको बा ८५ प ५१५३ नम्बरको मोटरसाइकल पैदलयात्रुलाई ठक्कर दिएर भागेपछि दुर्घटना भएको हो ।