एमाले नेता शेरधन राईलाई लक्षित गरि बम प्रहार, अंगरक्षक गम्भिर घाइते

कपन अनलाइन

भोजपुर ,कार्तिक २८

नेकपा एमाले पोलिटब्युरो सदस्य तथा प्रदेश १ का मुख्यमन्त्री दावेदार शेरधन राईलाई लक्षित गरी बम प्रहार भएको छ । पूर्व मन्त्री समेत रहेका राई भोजपुर प्रदेशसभाका उम्मेद्वार हुन् । आक्रमणबाट राईका अंगरक्षक घाइते भएका छन् ।

भोजपुरको गोगनेको आमसभालाई सम्बोधन गर्न जाँदै गर्दा कोट र भोजपुरको सिमानामा रहेको पिखुवा खोला नजिकै गुम्बा मास्तिर उम्मेद्वार राइसहित नेता कार्यकर्ता चढेको गाडीमा बम हानिएको थियो । सडकको घुम्तिमा पारेर हानिएको बम विस्फोट हुँदा राईका अंगरक्षक प्रहरी सहायक निरीक्षक (असई) डिल्ली देवकोटाको हातमा चोट लागेको छ । उम्मेद्वारसहित अन्य सकुशल रहेको सँगै रहेका युवा नेता मकर खड्काले बताए ।